Author: Soe Min

ဒီနေ့မနက် Loki က အိပ်ယာလာမနှိုးဘူး။ ညတုန်းကလည်း ကုတင်ပေါ်တက်မလာဘူး။ သန်းခေါင်ကျော်လောက်တုန်းက ဒညင်းသီးအီးနံ့ရလို့ ပြူတင်းပေါက် ထဖွင့်ရတယ်။ ဒီကောင်တော့ အီးပေါက်ပြန်ပြီကွာ ဆိုပြီး။ မနက်လင်းမှ ကုတင်အောက် မီးထိုးကြည့်တော့ အီးပေါက်တာ မဟုတ်ဘူး။ အီးတွေပါထားတာ။ Loki က အဲ့ဒီဘေးမှာ တုံးလုံးလေး။ သူ တစ်ခါမှ အိပ်ခန်းထဲမှာ အဲ့ဒါမျိုးမလုပ်ဖူးဘူးလေ။ အိပ်များနေသလားလို့ “Loki လာ လာ” ခေါ်တော့ ခေါင်းတောင် မထောင်နိုင်ဘူး။ မျက်လုံးလေးဖွင့်ပြီး လှမ်းကြည့်နေတယ်။ “သူ့ကို ခေါ်ပါ” လို့ ပြောနေတာပဲ။ သူတို့ ၂ ကောင်မှာ Loki က လူတွေနဲ့ စကားပြောတယ်။ လူတွေပြောတဲ့စကား နားလည်တယ်။ Loki လို့ ခေါ်လိုက်ရင် ကြားတဲ့အရပ်က ကဆုန်ပေါက်ပြီး ပြေးလာတယ်။ […]

နေရာ ၂ နေရာခွဲပြီး ဆေးရုံ ၂ ရုံတည်ဖို့ ကြိုးစားရတဲ့အခါ ကိုယ့်မှာ တောင်ပြေးမြောက်ပြေးနဲ့ တော်တော်ကြီး ကသီလင်တ နိုင်တာတော့ အမှန်ပါပဲ။ မိုးကရွာ၊ လမ်းကပျက်၊ ဈေးရောင်းတဲ့ ဆိုင်ကယ်ကယ်ရီတွေတောင် မဝင်တစ်ရက် ဝင်တစ်ရက်နဲ့ဟာကို ကိုယ့်အဖြစ်က ဝဋ်ကြီးတယ် လို့ ဆိုရမလား မသိ။ တစ်ပါတ် ၃ ရက်လောက်တော့ ကူးချည်သန်းချည် နေရတယ်။ လူကိုယ်တိုင် မသွားရင် ဖုန်းအဆက်အသွယ်တွေက မရတော့ဘူးလေ။ မြို့ပေါ်ကလူတွေ ဖုန်းပြောချင်ရင် တောထဲတစ်နေရာက လိုင်းမိတဲ့ တောင်ကုန်းကလေးပေါ်ကို ဆိုင်ကယ်တွေနဲ့ တကူးတကလာပြီး ပြောနေကြရတယ်။ အဓိကပြဿနာကတော့ ဆေးမှာရတာပါပဲ။ အချိတ်အဆက်တွေ ပြတ်တောက်ကုန်သလို ငွေပေးငွေချေလည်း ခက်လာတယ်။ လမ်းမှာ အဖမ်းအဆီး အစစ်အဆေးလည်း များတယ်။ ဆိုးတာကတော့ လူနာတွေကလည်း များနေလို့ ဘယ်လောက်များများ […]

ဆိုဖီလေးက နေမကောင်းတာ လေးငါးရက် ရှိပြီ။ အစပိုင်းတော့ မျက်စိနာနေလို့ မျက်စဉ်းခပ်ခပ်ပေးနေတာ။ နောက်ရက်ကျတော့ အစာမစားတော့ဘူး။ ဓါတ်ပုံလေးတွေ၊ ဗီဒီယိုလေးတွေရိုက်ပြီး တိဆရာ နဲ့ပြရတယ်။ ကာကွယ်ဆေးတွေဘာတွေလည်း မထိုးရသေးဘူးနဲ့ တူပါတယ်။ လမ်းကြောင်းအခြေအနေကြောင့် ကိုယ်လည်း ဆေးမှာလို့ မလွယ်သေးလို့။ ခွေးပေါက်လေးတွေ မွေးပြီး ကာကွယ်ဆေး သေချာထိုးမပေးရင် သက်ဆိုးမရှည်တတ်ဘူး ဆိုတာ ရန်ကုန်မှာကတည်းက သိပါတယ်။ သူတို့မှာလည်း ရောဂါဘယတွေ ပေါတာကိုး။ ဒီခေတ်ဒီကာလဆိုးကြီးမှာ လူတွေတောင် ကာကွယ်ဆေးမရလို့ လက်မှိုင်ချနေရတဲ့အချိန် ခွေးအတွက် ရန်ကုန်က ကာကွယ်ဆေး မှာထိုးပေးရတဲ့အဖြစ်ကို ကိုယ့်ဘာသာ လိပ်ပြာမလုံတာနဲ့ မသိချင်ယောင်ဆောင်နေခဲ့တာ။ အခုလို နာဖျားလာတဲ့အခါကျတော့ စိတ်ပူရပြန်တာပေါ့လေ။ အဲ့ဒါနဲ့ပဲ မနေ့က သူ့ကို cannula တွေထိုး၊ antibiotics တွေထိုး၊ drip တွေထည့်။ လူတွေပြုစုသလိုပဲ […]

ကောင်းတဲ့သတင်း နဲ့ စရမယ် ဆိုရင်ဖြင့် ဒီနေ့ (၁.၈.၂၄) မှာ ချန်ဂင်ဆေးရုံ(၂) ကို ပွဲဦးထွက်ပါတယ်။ အခု ဆေးရုံ စတုန်းကလိုပဲ ဆေးဝါးစုံစုံလင်လင်နဲ့ OPD လေးက အစပြုရင်း အတွင်းလူနာတင်ဖို့၊ မွေးခန်းလေး၊ ခွဲခန်းလေး တစ်ခုချင်းစီ ချဲ့ချဲ့ယူသွားမှာပေါ့။ နို့မို့ဆို အဲ့ဒီဘက်ကလူတွေက ဆရာဝန်ရှိတဲ့၊ ဆေးရုံရှိတဲ့ဆီ လာမပြပဲ သူတို့ဆီလာကုပေးဖို့ချည့်ပဲ ကြိမ်စကြာနဲ့ ရိုက်ခေါ်သလို ခေါ်နေတာ။ လူမရောက် ဂူကျောက်ချောင် တောင်ကတုံးမှာတောင် ကိုယ့်တဲကိုယ် ထရံရိုက်ပြီး ဆေးရုံထောင်လာသေးတာ။ လျှပ်စစ်မီး၊ ကတ္တရာလမ်း ရှိတဲ့ မြို့ပေါ်မှာ ဆေးရုံထောင်ရမှာ ဘာကြောက်စရာ ရှိမှာလဲ။ ဆယ်ဇင်းတုန်းကလည်း ရွာကခေါ်လို့ ကိုယ်တွေ ရောက်လာရတာလေ။ တိုက်ပွဲအခြေအနေတွေနဲ့ နယ်မြေမအေးချမ်းတဲ့ကာလကြီးမှာ နဂိုရှိတဲ့ ဆရာဝန်တွေ၊ ဆရာမတွေလည်း ထွက်ပြေးသွားကြပြီ။ လူတွေကလည်း […]

မောင် Loki ဟာ အိမ်ထောင်သက်ကလေး ရလာတော့ ယောက်ကျားတို့ ဗီဇသဘာဝလေးတွေ ပြလာပါတယ်။ အဲ့ဒါကတော့ နေ့ခင်းဘက် နေတအားပူရင် မိန်းမဖြစ်သူကို ပလစ်ပြီး ကုတင်အောက်မှာ တစ်ကောင်တည်း ဝင်ဝင်အိပ်နေတာပါ။ နားအေးပါးအေး နေချင်တဲ့အချိန်တွေလည်း ရှိလာပြီပေါ့။ ဟုတ်လား။ အေးလေ။ သူ့မှာ အပြင်ထွက်ဖို့ လာလာခေါ်မယ့် သူငယ်ချင်းတွေဘာတွေလည်း ရှိမှ မရှိတာ။ သခင်ဆီပြန်လာချင်မှ ပတ်ချွဲနှပ်ချွဲ ခေါင်းလာလာခွေ့တတ်ပြီ။ ညအိပ်တဲ့အခါ အခန်းတံခါး လာလာပုတ်လို့ ဖွင့်ပေးလိုက်ရင် ဝင်လာအိပ်ပြီး ဖင်မပူခင် အပြင်ပြန်ထွက်ချင်တယ် လုပ်ပြန်ရော။ ဒီကောင် ဘာဖြစ်ချင်နေတာလဲ ဆိုမှ လက်စသတ်တော့ ကိုယ်တော်ချောက သူ့မိန်းမ မပါလို့ သူ့မိန်းမကိုပါ သွားအခေါ်ခိုင်းတာလေ။ အေးပါကွာ။ အိမ်ထောင်သည်ဆိုတော့ လက်ခံရင် ၂ ကောင်လုံး လက်ခံရမှာပဲဟာ။ ကလေးတွေပေါက်ရင် ကိုယ်တွေတောင် […]

အိမ်က Loki ကတော့ ကြင်စဦးမို့ ထမင်းမေ့ ဟင်းမေ့၊ သူ့ဆရာပါ မေ့သွားတာ တစ်ပါတ်လောက်ရှိရော့မယ်။ ဒီမနက်ကမှ ဘာစိတ်ကူးပေါက်သလဲ မသိ။ ခေါင်းကလေး လာတင်တယ်။ သူ့အချစ်တွေ အကုန်လုံး သူ့မမဆီမှာ ပုံပေးထားပြီလေ။ မျက်စိအောက်ကကို အပျောက်မခံတော့ဘူး။ အခန်းတံခါးလည်း လာလာမခေါက်တော့ဘူး။ ကောင်းပါလေ့ကွယ်။ သူတို့ဟာသူတို့ နှစ်ကောင်တည်းနေချင်တယ် ဇာတ်လမ်းတွဲရိုက်ရင်လည်း ပြီးတာပဲ။ ကလေးလေးတွေရတော့မှ ကိုယ်တို့တစ်ခါ အလုပ်ရှုပ်ပြန်ဦးမယ်။ အခုကတော့ ဆိတ်တွေ၊ နွားတွေ၊ ကြက်တွေ၊ ဘဲတွေကြားမှာ မြူးတူးပျော်ပါးလို့ နေတယ်။ နှစ်ကောင်စာဆိုတော့ အသားပိုဝယ်ရတာပေါ့လေ။ သူတို့အတွက် ဟင်းစိမ်းရိက္ခာကိုပဲ ပူပင်နေရတယ်။ နန့်မွန်းမှာ ခုထက်ထိ အခြေအနေ မကောင်းသေးလို့ ဈေးပိတ်ထားတုန်းပဲ။ ဒီဘက်ကိုလာတဲ့ကုန်စိမ်းက အဲ့ဒီက ဝင်တာကိုး။ နန့်မွန်းဈေးက ညဘက် ၂ ချက် ၃ […]